UNTITLED...

         Do pal maine aankhein moondi,

                  Aur saare nazare badal gaye,

         Jo chehre the jaane pahchane,

                  Wo tasveero me badal gaye,

         Bekhabar thi is baat se,

                  Ki meri duniya badal gayi,

         Dekha maine aaine ko,

                  To parchaiya bhi badal gayi,

         Anjaani si is bheed me,

                  Khud ko talashti hu main,

         Khoye hue apne vajood ko,

                  Phir se sanvarti hu main,

         Naya shahar nayi ummeedein,

                  Aur sapne bhi badal gaye,

         Do pal maine aakhein moondi,

                  Aur saare nazare badal gaye.